مـــفزوع

مفزوع

مفزوع وبجري ف كل مكان

ببكي خايف هربان

وفــكل سكه امشيها اخاف م الي جواها وعيشين فيها

أجري وأهرب ولا استناش حتى اخر القصة

وانا مش عارف ف حزني عايش ومحروم

وندمان ع جري وع تركي ع خوفي

حزين ببكي ف ضلمة من فكري وافكاري وف احساسي وف كل نفسي وألامي

وأعــود أهــرب ف ايامي وضحكاتي واوهامي واعيش وانسى كل امالي

قصة سنين مرت ف همس وسكوت وصرخة الم

حكاية فزع وهروب وكعبله ف الأفكار والحكايات ف الحارات

تخبيط ف جدرانها وكله بيعدي ولا داري

وبجري من تاني

واعيد واجري

مفزوع وكأن كلاب بتجري ورايا هتنهشني وانا بجري

مفزوع وداير ف دوامه ملهوف وشرئان

وهمان وعلي كل ده بس غلبان

طماع وجعان ومش راضي

بالموجود ارضي

مفزوع وف جسمي برد الوحده مهزوم ومحروم

بجــري بعزمي ومــش عارف ولا فاهم

واديني بجري ولا داري

ان كل الأمر ولا بإيـدي ولا بعقلي ولا بفكري

ولا بنصح ينقال من حبيبي او صحبي

دا الأمـر كل الأمر

بأيد صاحب الأمر والنهى

رب الكون

ربك الي يهديك

اعرفه يطمنك

افهمه يرشدك

المغـامــرة والخـــوف

... كيف حالك يا امجـــد ...

اسعدني اتصالك بالأمس ,, وايضاحا لكلام امبارح مايالي ...

بصراحة يا امجد انا كنت عايز اوصفلك المرحلة التي انا فيها من التغير.. يعني ما انت عارف انا بحب اتـكلم عن نفسـي

كتير نرجسي بائهه زاي ما بابا بيقول :))) .. اهــووه

المهم يا سيدي الي استخلصتة من خلال تجاربي اليومين دول ان الأنسان ممكن يندم علي عـمـرة, علي نفسة وعـلي الفرص الي لم يحاول حتي مجرد دخولها وده من رائي اشـــد عــــذاب في الـدنيــا ... ( الحـصـره و النـــدم )

و من وجهة نظري إن الواحــد عشـان يتفادي كل ده علية بالمغـامـرة و التجـريب .. انك تكون فعال و تستغل الي تقدر علية من الفرص المتاحة علشان ما تندمش و تقول ياريتني كنت عملت او يرتني كنت اتجرائت, وعشان تعمل ده لازم تنظر للدنيا علي انها مجرد لعبة وعـيزه حرفنة وفهم وعشان تفهم وتعرف اصول اللعبة لازمك انك تتغلب و تقع و تقوم وتقع تاني و متزعلش طالاما انت عارف انك بتلعب وانك مش نقصك حاجة عن غيرك وان المسئلة مجرد وقت وتتعلم وتمشي في اللعبة زي غيرك ما هو ماشي فاده امر سهل .. , مش لازم تبقي عبقري مش لازم تبقي وسيم ولا رشيق ولا لازم تبقي فلتة الي انت محتاجة بس انك تفهم كويس انك بتلعب و تلاحظ كل الي بيحصل حوليك والي بيحصلك ..., ما تخفش من حــد, كلنا ممكن يتلعب بينا و يضحك علينا و اي واحد ممكن يتغلب, عشان كده كلنا زي بعض., بس الكلام ده ينطبق بس علي الي جوي اللعبة و الي بيمارسها ويلعبها, اما العيال الفافي والناس الهبل الي عايشين في المثاليات الفارغة فهما دول الي بيتلعب عليهم ويضحك عليهم وفي الغالب ممكن يكونو كبش الفداء او ادوات الصيد .... حاجات كتير يا امجد ممكن تستغلها في حياتك اهم شيئ الروووووح, الرووح الي انت بتتعود انك تلبسها و تفهمها, وهي انك بتلعب لعبة و بتتسلي وماتخفش, هتفم كتير و تعرف كتير., عارف يا أمجد زي العيل الي عمال يجرب و يلعب هيتعلم ويعــرف .., طــــول ماهــو ما بيخفـــش ..

يبقي نقصك ايــة عشان تتفادي الندم والحصره والحاجات دية ؛ انك تبقي مغـــامر وتلعب كتيير كل يوم لازم تلعب وتتمرن,,, دوارر كل يوم حوليك وشوف اية مغامرة اليوم ومين ممكن اشتغله ... اعتقد انك استاذ في الموضوع ده بأمارة اشتغالة محمود .... :))))

عرفت لية بائة احنا بقينا كده؛ احنا خـفنا, خــفنا من كل حاجة و اي حاجة , خفنا من الألـم و الأحراج وخفنا من اهالينا بابا وماما وخفنا من ربنا و زودنا وبالغنا من كـــــــــــــــــل المخـــاوف دي , حصلت أفـلـة في دمغانا عـشـان لما المحظورات تكـتر تلمس في بعضها و تحرق الأنسان يصبح في الأخر مجرد انسان مشلول مسخ فـاقـد روحوه وطبيعته البسيطة .... يعني لا يعرف يلعب و لا يعرف يفـهم ولا حـتا يتحرك في خريطة وطريق حــياتة بتـقـــدم.

.. .. .. .. .. .. .. .. .. .. .. .. .. .. .. .. .. .. .. .. .

ولأن اي انسان لازم يكون عـنده Input و Output كان لازم يحصل خروج من اي منفذ ولأن كل المخارج بنخاف منها والناس شايفنا فيها عشان كده كان لازم يكون في مـكان مسـتخبي محدش يشـفـنا فـيه وعليه افرز لنا عقلنا الفكرة الحلوة الي كلنا وقعنا فيها وهو المكان المستخبي الخاص بكل واحد والي بيقدر ينفس ويخرج الي الي مش قادر يعملة امام الناس وبحرية. عشان كده انا وصلت الي ان الخوف اكبر عدو حقيقي لأنة بيشل حركتنا ويخليني نهرب ونتصرف غلط, الفكرة الي بقولك عليها مفهاش خوف بالعكس احنا هنا الي بنجري وراء الخوف ونهاجمة ونخوفة لغاية مايهرب ويجري من حياتنا,

اتعودنا كتير علي الخوف .... اصـل الخوف بائــه اصـل حياتـنا
جــوا قلوبنـا وف أفـكرنـا .... ممكن يخــطر ف بالك اني بابـالغ
... ممكن برضو, احتمال, ماهو كله جايــز ....
مـش هايـضـر مـعايا,, ماانا مـش فارقـة مـعايا,,
ما أصلها كلها لعبة ,, وادينا بنلعب .... ما تيجي تلعب وايايااه
بــس فكــر و حـاول تشـفها زي مانا شــايفها

.......................................................................