رحلة بحث

رحلة بحث

الأحد، 31 أغسطس، 2008

تـعـــبـان بـــس مـــش عــارف


تعــبان بـس مــش عـــارف ...

انا مش عارف أوصف مشاعري ... !



انا مالي كده... ? تعبان ولا مضايق .. ? عايزز اية بالظــبط ؟ والا اية الي انا مش عـايزوه ؟,, الدنيـا ملغبطة شـوياه معاية,, اه ,.. ملغبطة ماياياه ... !!

انا كمان متائكد اني زعلان, بس زعلان لأن عــيد ميلادي الثلاثة وثلاثون بكره, بعد مرور ثلاثة وثلاثون عام بفكر ابداء من جديد, بفكر اروح في مغامره جديده, .. لسة هاروح وادخل مغامرات جديده ومشوار جديد, بعد اية ! .. بعد ما شاب ودوه الكتاب ... ! ارتحت بينك, ايوه ارتحت .., لأ, بيني ريحت واستسهلت كل الحاجات الي جات والي راحت.,, حياتي بينها كانت لعبة كبيره ومسخة اتلعب بيا فيها و لعبت انا برضو فيها,, لعبت دور العبيط ولا باين دور الضحية, ولعبت علي نفسي وسعدت غــيري يلعب علي ... مش قصدي حد ضحك عليا ولا يحزنون بس انا الي اتعلقت بحبال الهو الديبة, سبت نفسي اتمني واسرح في دنيا تانيا, بس يخساره دنيا مش بتعتي دنيا تنيا مش ليا, حاجة تانية مش عشاني, مش مقاسي ولا تنفعلي .....


دايمن بانسـي ..,, انسي حاجات كـتـييير في حياتي, دروس وامور مهمه مهمه في حياتي ماكنش المفروض اني انسها بس بجد انا مش عارف لية انا دايمن بانسي ,, وكائني عايش في دوامة او في التية يعني متاهــه ,, مخبوط علي راسي .., يمكن دماغي مش عارف انظمها, وازاي انظمها .., حاجه غريبة بايخة أديمه .....!



....... *** .... .... ..^^................^^.. .... .... *** .......



بس انا مش هنـسي .., ايوه مش هانسي كلامي,, اني كتبت جوابي بتاع المغامره والخوف ,, مش هنسي اني مندمتش إلا بس ايوه بس علي الحاجات الي خوفت عليها وكنت متردد فيها , مش هنسي كلامي, . . . . . .



مش هنسي ان الدنيا لعبة, واية يعني اتلعب بيى.. ولا انا الي لعبت علي نفسي, .. النتيجة هي هي .. واحده هي, المهم اني اكمل, .. افضل العب , .. واعرف اكــتر , .. امشي اكتر وافهم اكتر ,, واحفظ الروح الي جوى,, روح المغامره الي هيـــــى,



مش هاراووح ابكي اعيط .., مش هعيش دايمـن صغير.., يضــرب يجــري يروح .. هفضل اجمد من زمان ,, هفضل اقوي من زمان .. زمن العيال والغلابة بتوع زمان .. ايام ماكان كل الحاجات جو الحاجات .. لغبطة كده والسلام ..,, وكله ضايع ولا في اساس ولا في بتاع ولا اي حاجة في زمن الضياع ...


.... .... هو ده انا ايام زمــان, ايـو داه انا ايام زمــان .... ....

مش هرضي تاني ابئى كده مره كمان ,, واعرف مكان السيف أرووح كل مكان انزل يوماتي وأ ضرب تمام .., تعظيم سلام للقلب الشجاع ,حتي نشوف كل الحاجات والمحتجات صارت تمام ابقي سعيتها افرح كمان واسـعد أااوي واجري كده زهـو وفـرح اكمـني عرفت قلبـي الفـــرح.

بدور علي نفسي في كل مكان


هي دي انا ... ولا ايــه ؟.؟.؟
.. ... ..
بـدور علـي نفسى في كل مكان من زمن الزمان حتي الأن ..
وعجــبي ..

الأحد، 24 أغسطس، 2008

المغـامــرة والخـــوف


... كيف حالك يا امجـــد ...

اسعدني اتصالك بالأمس ,, وايضاحا لكلام امبارح مايالي ...

بصراحة يا امجد انا كنت عايز اوصفلك المرحلة التي انا فيها من التغير.. يعني ما انت عارف انا بحب اتـكلم عن نفسـي
كتير نرجسي بائهه زاي ما بابا بيقول :))) .. اهــووه

المهم يا سيدي الي استخلصتة من خلال تجاربي اليومين دول ان الأنسان ممكن يندم علي عـمـرة, علي نفسة وعـلي الفرص الي لم يحاول حتي مجرد دخولها وده من رائي اشـــد عــــذاب في الـدنيــا ... ( الحـصـره و النـــدم )

و من وجهة نظري إن الواحــد عشـان يتفادي كل ده علية بالمغـامـرة و التجـريب .. انك تكون فعال و تستغل الي تقدر علية من الفرص المتاحة علشان ما تندمش و تقول ياريتني كنت عملت او يرتني كنت اتجرائت, وعشان تعمل ده لازم تنظر للدنيا علي انها مجرد لعبة وعـيزه حرفنة وفهم وعشان تفهم وتعرف اصول اللعبة لازمك انك تتغلب و تقع و تقوم وتقع تاني و متزعلش طالاما انت عارف انك بتلعب وانك مش نقصك حاجة عن غيرك وان المسئلة مجرد وقت وتتعلم وتمشي في اللعبة زي غيرك ما هو ماشي فاده امر سهل .. , مش لازم تبقي عبقري مش لازم تبقي وسيم ولا رشيق ولا لازم تبقي فلتة الي انت محتاجة بس انك تفهم كويس انك بتلعب و تلاحظ كل الي بيحصل حوليك والي بيحصلك ..., ما تخفش من حــد, كلنا ممكن يتلعب بينا و يضحك علينا و اي واحد ممكن يتغلب, عشان كده كلنا زي بعض., بس الكلام ده ينطبق بس علي الي جوي اللعبة و الي بيمارسها ويلعبها, اما العيال الفافي والناس الهبل الي عايشين في المثاليات الفارغة فهما دول الي بيتلعب عليهم ويضحك عليهم وفي الغالب ممكن يكونو كبش الفداء او ادوات الصيد .... حاجات كتير يا امجد ممكن تستغلها في حياتك اهم شيئ الروووووح, الرووح الي انت بتتعود انك تلبسها و تفهمها, وهي انك بتلعب لعبة و بتتسلي وماتخفش, هتفم كتير و تعرف كتير., عارف يا أمجد زي العيل الي عمال يجرب و يلعب هيتعلم ويعــرف .., طــــول ماهــو ما بيخفـــش ..


يبقي نقصك ايــة عشان تتفادي الندم والحصره والحاجات دية ؛ انك تبقي مغـــامر وتلعب كتيير كل يوم لازم تلعب وتتمرن,,, دوارر كل يوم حوليك وشوف اية مغامرة اليوم ومين ممكن اشتغله ... اعتقد انك استاذ في الموضوع ده بأمارة اشتغالة محمود .... :))))

عرفت لية بائة احنا بقينا كده؛ احنا خـفنا, خــفنا من كل حاجة و اي حاجة , خفنا من الألـم و الأحراج وخفنا من اهالينا بابا وماما وخفنا من ربنا و زودنا وبالغنا من كـــــــــــــــــل المخـــاوف دي , حصلت أفـلـة في دمغانا عـشـان لما المحظورات تكـتر تلمس في بعضها و تحرق الأنسان يصبح في الأخر مجرد انسان مشلول مسخ فـاقـد روحوه وطبيعته البسيطة .... يعني لا يعرف يلعب و لا يعرف يفـهم ولا حـتا يتحرك في خريطة وطريق حــياتة بتـقـــدم.

.. .. .. .. .. .. .. .. .. .. .. .. .. .. .. .. .. .. .. .. .


ولأن اي انسان لازم يكون عـنده Input و Output كان لازم يحصل خروج من اي منفذ ولأن كل المخارج بنخاف منها والناس شايفنا فيها عشان كده كان لازم يكون في مـكان مسـتخبي محدش يشـفـنا فـيه وعليه افرز لنا عقلنا الفكرة الحلوة الي كلنا وقعنا فيها وهو المكان المستخبي الخاص بكل واحد والي بيقدر ينفس ويخرج الي الي مش قادر يعملة امام الناس وبحرية. عشان كده انا وصلت الي ان الخوف اكبر عدو حقيقي لأنة بيشل حركتنا ويخليني نهرب ونتصرف غلط, الفكرة الي بقولك عليها مفهاش خوف بالعكس احنا هنا الي بنجري وراء الخوف ونهاجمة ونخوفة لغاية مايهرب ويجري من حياتنا,

اتعودنا كتير علي الخوف .... اصـل الخوف بائــه اصـل حياتـنا
جــوا قلوبنـا وف أفـكرنـا .... ممكن يخــطر ف بالك اني بابـالغ
... ممكن برضو, احتمال, ماهو كله جايــز ....
مـش هايـضـر مـعايا,, ماانا مـش فارقـة مـعايا,,
ما أصلها كلها لعبة ,, وادينا بنلعب .... ما تيجي تلعب وايايااه
بــس فكــر و حـاول تشـفها زي مانا شــايفها

.......................................................................