رحلة بحث

رحلة بحث

الأربعاء، 13 أبريل، 2016

ربنا والحقيقة

ربنا .. الايمان ... و .. احنا .. الحقيقة .. السبب ... الظروف ... الشهوة ... الضعف ... الجهل ... الخوف ... عدم الأمان ... الطريق .. الحقيقة .. السعادة .. الدين .. الكفره .. الاخر ... التعاسة .. الموت .. الكون ... مابعد الموت ... العذاب ... اللوم ... انا ...
فلاشات بتنور ... صور ... افكار ... موروث .. فكرتي عن الصح والغلط .. عذاب ربنا .. الرحمة ... 
 هايحصل ايه ,, والانكار.. بغلوش بقول مش ممكن يعني عذاب في الدنيا وفي الاخره .. عذاب ابدي او قاسي وانكر وبعدين ارجع افتكر كلام صريح لربنا في القران ... اقول لا اكيد في تفسير غير كده..,

طيب انا ايه زمبي في اللي انا فيه ... انا مش عارف اعمل ايه ....
اكيد هنا وبس وكفاية ... مش  ممكن هنا وهناك .... 
كانا مفعول كلنا مفعووول

وهل في حاجة اسمها قدر مكتوب علينا ... ولا اقدارنا احنا اللي بنعملها بنفسينا ..؟؟
لكن كدة المسئولية قاسسيه اوي .. واللوم هايكون شديد وانا مش هاسامح نفسي

واوقات بتظهر لي فكره تانية ...

إن ربنا ادانا امكانيات عالية جدا ما أعطهاش لحد من مخلوقاته غيرنا وعشان كده لما بتكون في صعوبات المفروض نتحدي من خلال امكانياتنا وايماننا بنفسينا واننا نقدر وان ربنا خلق ابداع حقيقي فينا ... ودا بيفسر انه بيعذبنا لاننا ماصوناش النعمة والامكانيات اللي اعطهالنا ....

لكن كتتتتير مايعرفش ازاي المكنة بتاعته تشتغل ولا فين مفاتيحها ولا ازاي يتحكم فيها
... وسر الامكانيات والابداع اللي فينا يخرج ... نظرتنا بتحددنا ... صورتنا بتبروزنا ..
افكارنا طريق لمصيرنا ... 
لكن فين الوعي ... ادراكنا اننا غلط او صح وان الاساس اللي بيصلحلنا كل حيتنا مضبوط ولا غلط وهو نظرتنا للامور - وصورتنا للحياة ولنفسينا - وافكارنا ومعتقداتنا ...
الانسان كائن مفكر .... المفروض انه يفكر ويراجع كل امورة وثوابته ويتدبر في كل شيئ ... يعني مايتسحلش ويتسحب وراء متاهات ومتع الحياة وانشغالات الات الترفية اليومي .. تلفزيون موبيل فايس ونت و.. و... و... 
يعني ايه .... ؟؟؟؟ 
يركز اوي في امتحانه وفي ورقته ... يفكر  ,, ويفكر ويراجع علي طول

بعترف ... انا بكرهك


 بعترف ...  انا بكرهك




 بنسي نفسي بعد كل واي صدمة وبغلوش كتير
بغلوووش وبغلووش وبغلووش ......
بهرب وبداري .. بضحك علي العيل اللي جوايا

هي هي  .. نفس الفكرة 
" كخه يا ارض ياوحشه " لما العيل يقع 

كنت كتير بفتكرها ميزه لما انسي واطلع من مود الاكتئاب واقلب ع الضد واترقع

لكن برجع تاني ولازم هارجع ... وباينه دا مكتوبي .. البحث عن الحزن .. النكد

واوقات بفسرها بطريقة تانية

يمكن عقاب  ... رفض ... كرة .... لوم .... احتقار ليك انت 
لنفسك .... مش عايز تعزره او تحطله مبرر تسامحه

والغريبه انك بجد مابتعرفش تكره اووي مهما حصل
وبتسامح اي حد فعلا .... لكن نفسك عمرك ماسمحتها
انت دايما بتلومها علي اي حاجه بزعل اووي منها بتهجرها 
بتعذبها ... بتأذيها ... وفي الاخر بتغلوش علي الحالة

مابعرفش اقف امام الموقف وابرء فيه واتفرج يمكن افهم او اعرف او اجد تفسير
للي بيحصل .. وقفة مع الذات اسئلها .. اصالحها .. اسمعها .. نتكلم ... لازم نتكلم

انا اتبنيت طريقته واسلوبة .. عقابة احتقاره ليا ... اخدة منه الكرباج وبدلت الجاني
انا خلتني الجاني وهو هو زاي مهوو مجني علية بس باختلاف مين بيعاقب وبيلوم وبيحتقر ومابيعترفش

انا مابعترفش بيك .... انا رفضك  من جوايا  ... رفضك بجد ... انا بكرهك بكل حته فيا
ومابصدق الاقي غلطة افضل ابهدل فيك وانتقم منك .. لاني مش بحبك اصلا


الخميس، 7 أبريل، 2016

كل حاجة ولا اي حاجة

الحلم ... العمر ... النعم اللي في ايدك ... السعادة .. الحب ... الايجو .. النجاح ... الانجاز .. الانبهار .... تكون بتبرق في عين الناس .. فظيع .. انت ماحصلتش ... انت ولا اي حاجة ... انت فاكر نفسك مين ..؟ ... الطمع ... الفسق ... الشهوة ... الجنس .. سوبر مان ... حد ماحصلش .. الخوف .. الخوف .. الخوف .. الخوف ... الخوف .. الخوف .. ثم الخوف .. من كل حاجة ...  انت واقف مكانك ... اغلا شيء ...الجنة .. النار .. الفلوس ... القدرة ... الصحة ... العند ... الكره ... الغرور .. الغطرسة ... القسوة ... الجحود .. القدوة .. اكون حاجة .. اقدر .. ولادي .. مراتي ... ابويا ... مشاكلي ...حياتي .. اهلي ... شخصيتي .. اثق في نفسي .. اؤمن بنفسي ... احب روحي ... بكرهك .. انت حيوان ... انت سبب كل الدمار اللي في حياتي .. انت ليه كدا ... بتكسب ايه من كل ده .. بتعمل كل ده لية في نفسك .... نجاة .. ايمان ... فاطمة ... وبنات كتييييير ... عايز تبقي مثار جدل .. فالنتينو .. كلب ... مابتفهمش .. مابتحسش .. انت اية ؟؟ ولية ؟؟؟ انت مين ... وهاتفضل تدور عليك لامتي .. لامتي ؟؟؟ ... فين العيب .. فين .. وبعد ايه جاي تسئل .. الان بعد ماضيعت كل الحلو ... كبرت ياسامح ... بلاش وهم ... فوق بائة ... بلاش افوق .. افوق بعد الخسارة ... طيب مانت هاتخسر اللي جاي كمان ... طول عمري احب اخد الحاجة كاملة مش ناقصة والدنيا بالنسبالي بقت ناقصة .. وناقصة كتير ... حكمة ربنا تفتكر ربنا ليه حكمة في ده..؟ ربنا اداك الاختيار وانت اللي هبلت .. ايد مشلوله وضعيفة مابتتحركش واقف مكانك وسيبت القطر يجري ماحولتش تجري الا بالبكاء والحزن وشوية تانية المجون والانشغال في شهوتك ومتعك ... انت بجد فاكر نفسك كويس .. تستحق ...
ولا كرهي ليك هو اللي مخليني مستقلك في نظري .....
طيب ماتنطق .. قولي حاجه  .. خاليك انسان .. حس زاي الناس
- لا انا مريض وعندي اضطرابات .. انا معزور لازم أسامح نفسي
- اضطرابات ..!!  .. طيب حاولت في مرة تخف وتكون بلا اعزار

"يعيش الشخص أزمة هوية واختلال في نظرة الشخص لنفسه وكذلك عدم تقدير  للسلوكيات التي يقوم بها وليس لديه الإحساس بسلوكياته أياً كانت"

- انت مستحلي العيوب والنواقص .. شماعه حلوه ...؟


- بس بجد انا في حاجة ناقصاني شديده
والله انا مش بمثل انا ممكن بغلوش او بداري بحاول اشغل نفسي عن عدم احساسي
انا حد مش بحس .. انا حد فاقد نفسه ....  والله مش بكدب
انا فاقد نفسي مش عارف افهمها او اتكلم معاها او اتفاهم معاها او المسها او نصددق بعض .. انا مش بسمع نفسي او بحس بيها هي عايزه ايه انا مش بسمع منها غير رغبات اكل وجنس وبس ..... .. انا مش  بكدب علي روحي انا بجد مش فاهم ...

عمري ماحسيت اني انسان زاي بقية الناس .. مش تفضيل او غرور
مش بحس ولابحب اوباضعف اواقدر زاي بقيت الناس
بحس اني مادة خاملة بلا مشاعر ولاتفاعل
ادراكي بالذات والعالم منعدم ........

انا لما بلاقيني بعمل حاجه زاي بقيت الناس وقتها بفرح وبحس اني انسان زاي البشر
انا فاقد وجودي .. وكئني هواء ..


" الشعور الدائم بالخواء الداخلي،
أي ليس لديه مشاعر حقيقية داخلية،
ويعتريه دائما الشعور بالفراغ من جميع النواحي والملل الشديد.
تكوين صورة ذاتية غير صحية ".
انا ماحبيتش ولا عمري ما استسلمت للحب .. :(
ممكن يكون قلبي دق بس انا قولتلو وقف ... مش انت او مش هي
لو هي فوق توقعاتي اقول انت ولا حاجه ماتستهلهاش
ولو هي اقل من توقعاتي .... لا هي ماتستهلكش

 .......... خوف وغرور وصورة ذات متدنية
تعرف !!
لما كنت بعجب ببنت وافكر فيها وتتصرف تصرف طبيعي وفيه خيبة شوية او ضعف او اي حاجه من الحاجات اللي بتخرج من الناس بطبيعية كانت بتسقط من نظري ... مش عارف ليه ولما تعدي الايام وافكر في الموقف استغرب هو ليه كده، دا شيء طبيعي .. انت اللي مش طبيعي ..،،
لما ح اشم انه في حد في حاجات مني او معجب بي كنت اكرهه ... واستحقره
لو بنت اتجننت وحاولت تظهري اعجابها او حبها بي كنت بكرهها اووي
ليييييييييييييييييييييييييييييييييييييييييييييييييييييييييييييييييييية ؟؟؟؟؟؟ !!!!!!!!!!!!!!!!!!!!!!!!!!!!!!!!!!

مش عارف ........ يمكن لاني بكرهك ياسامح
بس ليه بكرهك .. نفسي اعرف ... ؟؟؟!!!!!!!

عشان اهلي فهموني اني حد وحش ... طيب ليه صدقتهم ؟؟؟؟
ازمة حقيقية مع نفسي ...... صدمة ؟؟
حصل نوع من انواع الفصل (انفصال عن الذات)
او هروب من واقعي وكوني حد سيء ... هروب من واقع مرُ الي واقع خيالي..


"غبي .... كسول .. مابتفهمش .. انت عايز تعرفنا انك بتحس زاي اخوك .. (هو انا بجد مش بحس ..؟؟!!)  .. انت وسخ ... قليل الادب .. قزر .. وحش .. شكلك وحش .. كلامك وحش .. ف حد يضحك كده ..؟؟! .... :(  :.(  ,(

بكااااااااااء .... ....  الله !! غريبة ..!!  ما انا بعيط اهو وبحس .. ؟؟ !!!

... .. عملاء بيخبطو وانا قافل الباب وبعيط .. انشف دموعي وافكر هابرر احمرار عيني ازاي للضيوف وقابلها بشوية قفلت الباب بلقفل وقفلت موبيلي ولسه كنت هابلغ السكرتيرة انها تقول اني مش موجود لاي حد .. لكن لللاسف وصل حد .. انا بجد في حاله ماتسمحش اني اقابل حد واضغط علي نفسي واتكلم واجامل واسمع اي حد لاي شيء .. لان اي شيء وكل حاجة الان مالهاش اي قيمة بالنسبالي .....

      .................. مقابله .....................

رجعت بعد ماقريت كلامي ووقفت اووي عند كلمة بعيط .. اتكسفت من نفسي .. ... ازاي اكتب كلمة زاي دي وانا عندك 40 سنه وهاتقول للناس بعيط ايه الهبل ده هو انت لسه صغير ........... مش عارف بايني لسه عايل بجد .. وانا صغير كمان ماكنتش بسمح لنفسي اني اعيط ..

افتكرت وقتها لما كنت في الابتدائي وكانت نفسي في شيكولاته واضغط علي نفسي واروح اطلب  من بابا نص ريال سعودي اجيب بيهم باونتي كوكونت وكان بيقولي هو انت لسه عايل ... بس عمره ماكان بيقولي انت بقيت راجل ياسامح انت مش صغير .. تفرق كتير ... لما يتقالك هو انت لسه عايل ... فيها عدم تقدير وتهكم .. لكن الصيغه التانية فيها تقدير وتحفيز وحب وشحن الرجولة  .. عشان كده انا كنت شاطر اووي في سرقة الشيكولاته من دكاكين السعودية .... بس انا لحد الان باكل باونتي : |

ايه سبب كل الدراما دي كلها النهاردة ... ؟؟؟

اتفرجت امبارح علي TEDx
هشام الجمل  و الحلم
 https://www.youtube.com/watch?v=wHO_LwGWamM&feature=share
مرض الحسابات
 https://www.facebook.com/203757942999747/videos/980131462029054/
Menna El Kiey
 https://www.youtube.com/watch?v=foNZoo7OgUY

حاسيت بحاجات غريبة ...
حسيت اني ماعملتش اي حاجه في اي حاجه
حاسيت اني كان ممكن اعمل حاجه
حاسيت اني مش غريب عن الناس دي  .. بس هما عملوا وانا لسه مكاني
انا لسه مع ازمتي ومشاكلي ... انا كل اخفاق اقف جمبة واعيط واقول ازمتي ومشكلتي

مع هشام الجمل لمسني اوووي لما اتكلم عن الحلم
ياااااااااااااااااااااااااه ..... اد ايه كانت جميلة 2012
افتكرت اجمل سنه ليا 2012 وافتكرت مشاعرالسعاده وانا في مشوار هدفي او تحقيق الحلم زاي ماقال
بكل تفصيلة :

" طول ما انا كنت في مشواري ورحلتي في حلمي
- انا كنت عايش بكب طاقتي
- كنت كل يوم بتعلم حاجة جديدة

- بعرف عن نفسي حاجات ماعرفهاش
- ثقتي في  نفسي وامكانياتي ذادت

بأختصار شديد
انا كنت عايش بجد في السنة دي
وانا ك سامح فعلا كنت حاسيس بكل ده وكنت في الوقت ده بقول لنفسي  :-

- انا الان سعيد مع كل نفس بتنفسه وكل موقف بعيشة .. انا عايش في سلام حقيقي
- الدنيا في كل الاحوال تعب بس عليك انت تختار انك تتعب في الصح او تتعب  في الغلط 
 تعب الصح .. (رياضة والتزام وانك تحرم نفسك من رغباتك وتتعب في شغلك ) والمقابل متعة النجاح واستمتاعك بانجازاتك وتقدير ذاتك ....
أو تعبالغلط :  الراحة والفشل والملل والمرض والسمنة والشكل الوحش والحرمان من متع حقيقية والامراض النفسية والاحباط ... وليك الاختيار .
 - كنت دايما بعترف بقوة الطاقة الايجابية وبقول هاتكسب ايه من الندم والاحباط
اعمل حاجة صح وخليك في اليوم وهنا والان

انا قادر .. هاقد وبقدر .. انا صورتي حلوة امام نفسي .. انا مقبول .... انا مسئول
كنت حد تاني عمري ماشوفته من ٣٥ سنه في حياتي
كنت سعيد طووووووووووووووول الوقت ..

 ..............

الحسابات :
كانت سبب اكتئاب مستمر والتشائم كان البطل في القصص المتتالية
خوفي من بكره هو كان مركز السيناريو اللي بتدور حولية احداث توقعاتي ...
انا دايما خايف من بكره ... هاقدر ازاي اعيش
ازاي هاتجوز ... وازاي هاقدر استمر ... امتي هاتجوز .. الوقت بيجري... واروح اكتر الماضي ليه سيبت فلانة وعلانه .. انت غلطان .. وندم وحسرة وحسابات كلها مأساوية ..

هاقدر ازاي اربي ولادي
صحتي .. هافقد صحتي
قوتي ... عاقلي .. هل هايحبوني .. هل هانجح
هل هايكون عندهم اصل معايا
هل هل هل هل ......؟؟؟ كلها بختار  فيها الاجابة السلبية
السوداوية ... ودايما خايف من الفشل دايماً .

طيب امتي حصل اني شيلت الحسابات خااااااااااالص من حياتي
بردو في سنة 2012  لما بطلت افكر امتي هاتجوز وازاي ومين ...
وجودي في ظروف واحد منفصل منتظر  تحديد موقفة من الزواج كانت فرصه دهبية شديدة جدا لترفع حمل ثقيل وهو الاختيار والزواج والقصة الطين دي اللي مش عارف انجز فيها ... كان عامل تجميد للحيرة والفكرة.... مابقيتش افكر كتير بقيت اعمل اللي اقدر عليه اعملة .. اتحمست للرياضة خسيت الدنيا اتغيرت واشتغلت علي الفن ومعارض وشلة واصحاب وفلوس حتي الفلوس اللي طول عمري بحاول اجبها جت لوحدها والله جت لوحدها ... 

بطلت احسبها

بس يوم 1 /9 /2012  للاسف كانت بداية السقوط المنبه اللي بيضرب عندي كل سنه ... ايه سنك بقة ٣٧ ولا ٣٦ هاتتجوز امتي ... فين ... ورجعت للحسابات ورجعت للغلط والخطيئة كمان كل البرج اتهد حبة حبة ..

..... انا مش عارفني
عشان كده هو باحث عن الذات