الاعاقة النفسية
الخوف والنقد
كنت باكل سردين في
مطعم ضيق
وانا بحب أكل السردين
علي قاطمة او اتنين براسة وبسيب ديله
وفي لحظة لاقيتني
بقول لنفسي الراجل اللي قاعد ادامك هايغلطك لانك بتاكل كده
وقتها فؤت واخدت
بالي .... وقلت وهو مالة .. انا لية حاسيس ان في حد
دايما هايقولي كده غلط
ليه انا متوقع
ان حد واخد باله وعنده دليل الصح وانا لا ... ولية انا دايما غلط
وهو ليه اصلا انا
متوقع ان في دليل للصح في حاجات كتير في حياتنا ... ؟؟
اتعجبت اووووي
ولاول مره فعلا اخد بالي ان ده غلط وان كل واحد حر ومافيش راقيب ولا مصحح ولا
قانون لحاجات بسيطه زاي الاكل
افتكرت ان بابا
كان دايما بيحاول يعدل عوجي اللي هو شايفة
افتكرت انه كان
عايزني مثالي ... افتكرت انه طول الوقت كان بينتقدني
بيعيب علي ...
بيرفض اخفاقاتي وبسطتي وانا طفل صغير
افتكرت انه طول
الوقت كان حرمني من نفسي ...
حرمني اكون انا
بابا فصلني مني
بابا فصلني مني
النقد بيوجع ... التريئة بتوجع
احساسك انك مرفوض
بيوجع
سلوكناا المفروض
علينا بيوجع
ان اللي حوليك
رافض طبيعتك بيوجع
بيوجع
بيوجع
كل الوجع ده لما
يستمر لمدة سنين في بيت ابويا
بتبني سلوك واحد
بس هو رفض اظهار طبيعتك ورفض اراءك رفضك كلك
انت بس المفروض تكون
زاي ماهما عايزينك زي مالناس عايزينك
عرفت اني كنت
محبوس ومش عارف
مشلول معاق ....
ومش داري
كل حاجه اخدة
الوان تانية وصفات مختلفة ... انفصال تام عن الذات بالتدريج بلاوعي
البحث عن المثالية
اللي مالهاش قاموس ... المثالية المستحيلة .. L
مثالية مين ....
؟؟ بابا ولا الناس ولا المجتمع ؟؟ وانهي
مجتمع مالمجتمع كتير وكبير
مجتمع جيلك .. اصحابك
.. مجتمع اخواتك .. مجتمع اهلك
مجتمع قرايبك .. المعارف
.............. ازاي هاتقدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ازاي هاتقددر ترضي
كل ده وكلهم متضاربين ... كلهم مش انت وكلهم مش اللي انت عايزه
ويفضل السؤال اللي
عجزت عمري كله والله .... والله عجزت
عمري كله اني اجاوب علية والله كنت بتجنن عشان اعرف اوصلة ............
<<"" انا عايز اية بجد ؟؟ "">>
عمري والله
عمري ماقدرت اجاوب علي السؤال ده خالص خالص ..... وماكنتش عارف لية ؟؟
تردد ... تقلب
مزاجي ... خوف ... صورة ذات مشوهه ... عجز وشلل ... مسخ ... هوية اجتماعية مشوهة
... هوية جنسية مشوهة ... عجز في اختيار شريكة الحياة ... كبت ... سلوكيات في
الظلام ...
حد ياكل كده
حد يضحك كده
انت مش عاجبك حاجة
هو انت بتحس زاي
اخوك
اخفيت طبيعتي
المرفوضة تماماً
وانا كمان رفضتها
... رفضت شكلي وجسمي وطريقتي في الكلام وطريقتي في التفكير
ارائي .. ضحكتي
اتشليت ... رفضت نفسي كلياً
