رحلة بحث

رحلة بحث

الأحد، 18 يناير 2009

مــِــدّ الخـــطوة



مـِد الخــطوه عدي وفوت
فــوت فــوت

مـِـد في مشـيك أوعي تتوه
فـوت فـوت

أرمي الحـزن بــره وعيش
عيش عيش

انسي همومك بره الدايره
عيش عيش

ماتخليش خوفك يتملك
فـوء فـوء

....

مـِـد في مشيك عـدي وفوت
فـوت فـوت
.....

خد من عمرك يومك غدك
أروي الحب الساكن قلبك
قلبك زرعه الخير جواهاه

إهـدي لنفسك فــرحه

اشرب أروي الضحكه


**** * ****


اكـسر كل قيود الماضي
وعيش عيش

وبعزمك هتعدي اراضي
وعيش عيش

عـزمك خـطوه ف أول قصه
قـصه طويله دايـمــاً دايره

والشر ولا عمره هيسكن
قـلـب كـبير
قـلب جميل

..

أجري وامشي ف كل مكان
عــدي وطـير

بكـره ده جايلك بالأفراح
طـير طـير

يائسـك حــزنـك
أوعي يهوب أي مكان
طول ماف ارضك ورد وازهار
وعيش عيش

هـِـز بمشيك اي غبار
فوت فوت

رُج بمشيك اي حـِطان
لليأس البائن ف النسيان
وطــير طـــير

عدي طالما الدم بجسمك
دم حقيقي وقلب بجد

فــوت طـــير
عدي وفوت

...............................

بصراحه عشان يكون في شفافيه فان روح الأغنيه دي
والوزنه بتاعتها مستوحاه من اغنية محمد منير ( ربك لما يريد )
وانا حسيت بالكلمات وانا ماشي في الشارع وافكار التغير والعزيمه كانت بتلاعب عقلي
فتكونت اول جمليتين ولما روحت كتبت الباقي ولما كتبتها ع الكمبيوتر اضفت كمان
انا حبيت اعلن عن ده بس من باب الأمانه وان كلها من افكاري غير فقط روح الأغنيه

الأربعاء، 14 يناير 2009

المغـامــرة والخـــوف 2009

حاسيس اني محتــاج اعيد البوست ده تاني
واتكلم عليه مع نفسي مش بس لصحبي العزيز أمجــد
محتاج اعيد نظرتي للدنيا واللعبه الي فيها
يمكن اتخلص من حالات الوحده والأكتئاب الي بيتجيلي كتير اليومين دول
بسبب دنيا ماشيا ومش مستانياني الحئها ولا عايزه تديني فرصه حتي اخد الي عايزه منها
" هي فعلا لا توخذ عطاءاُ لكنها تؤخذ لعبً "
عايز اعيد البوست وده كان أول بوست كتبته هنا
وهو بصراحه الي خلاني اعمل المدونه ديه وكان دافع تشجيعي لبدايتها
مر عليها 4 شـهور
اتمني ان تكون وجهة نظري صح
.
اللينك بتاعها اهو :
.
وممكن عن طريق الأرشيف